Ketinggalan bis Cerkak Basa Jawa Banyumasan

Ketinggalan bis

Jenengku ferina widayanti, nyong sekang wanaraja kecamatan wanayasa , nyong siki sekolah nang SMK Negeri 1 Bawang, nang kene nyong kos adoh sekang wong tua,Jurusan seng tak jikot nang SMK 1 Bawang kuwe TKJ, rasane adoh sekang wong tua kuwe jane ora kepenak banget, apa apa kudu di urusi dewek, pas pertama nang kene rasane ora betah banget, tapi sue sue nyong mikir ,iki demi kebaikane nyong juga, terus ora selamane juga kan dewek  bakal bareng wong tua terus. Nah sepat kuwe nyong dadi betah lah nang kene, nyong kos nang pucang ora adoh sekang SMK 1 Bawang, nyong beli mengumah kadang 1 minggu sepisan, kadang ya 2 minggu sepisan,nyong beli numpak bis sekang gayam,mengko tekan karangkobar nyong di petuk nang kakange, nah nang sawijining dina pas kuwe dina senin nek ora salah, nyong kan alhamdulillah siki wes labuh puasa nyenin kemis , pas dina senin nyong lagi puasa, lah dina selasa kue tanggal abang, niate nyong arep beli meng duwur tapi malah dina senin kue ana praktek sekang kewirausahaan, nyong karo kanca kancane nyong seng kang absen 13 tekan absen 24 pada praktek gawe roti. Prakteke kuwe labuhe pas bubar sekolah, pas wes bubar nyong karo kanca kancane nyong pada meng ruang kewirausahaan ,nang kana ws ana mbak dita sekang kelas 12 pemasaran seng pan mbimbing nyong karo kanca kancane nyong gawe roti, dikon mbak Dita kon ngenteni kancane seng urung teka dedine gawe rotine bisa bareng bareng,pas kanca kancane nyong wes teka kabeh nembe mbak dita akon nyong karo kanca kancane kon labuh praktek, pertama nyong karo kanca kancane kon ngresiki loyang seng bet wadah dinggo gawe roti wingi . bar di resiki loyang loyang mau di selei mentega. Pas wes rampung kabeh,gantian mas mas seng nuduhna carane gawe roti primen,celuk bae mas faizal,kelas 11 pemasaran.nah pertama kudu ana wadah seng dinggo nyampur terigu,gula,pengembang,uzah ,lan liya liyane nek wes di campur kabeh nembe di sogna nang tempat penggilingan terus di selei banyu secukupe, wektu nunjukna jam 3 nyong wes bingung arep beli meng duwur apa ora, keadaane wes sore tapi pengen beli, akhire nyong sms kakange takon nek jam semene egen ana bis meng karangkobar apa ora, kakange nyong mbalesi smse nyong jare egen ana. Bar kue nyong madan tenang lah, bar kue nyong terus nglanjutna gawe rotine, pas adonane owes digiling kanti adonane dedi apik, bar kue adonane di potong potong terus  di jorna ben ngembang, adonane di sokna meja seng wes di resiki , lan di tutup nganggo baskom. Karo ngenteni adonane ngembang nyong ngajak kancane  solat asar pas kue wes jam 4 kayane, nyong sholat , bar sholat nyong langsung mbalik meng tempat praktek mau, pas wes nang kono rotine wes ngembang dedi gede banget nyong karo kancane pada ngguyu weruh roti seng wes ngembang mau. Bar kue nyong karo kanca kancane dikon mas mase kon mbentuk rotine , wektu kue wes jam 4 lewih, nyong wes ra genah genah, nang pikirane nyong beli ora beli ora ,haahhhh mumet, akhire nyong poke nggarap apa seng dikongkon meng mas faizal, nyong ngglindingi roti ben cepet rampung. Pas meh rampung, rotine gor dedi 96 donge kan dedine 100 malah bisa lewih,  adonan seng maune gede gede di potongi sitik ben nyedeng tekan 100. Pas wes rampung kabeh  nyong langsung balik meng kos kosan, tekan kos kosan pas jam 5, nyong langsung pamit meng ibu kos lan bapak kos nek nyong pan beli meng duwur. Ibu kose ngomg “ nopo taseh onten bis teng ngenggel” nyong njawab “ insyaalloh taseh bu” bar kue nyong langsung mangkat beli, nyong ngadang angkot kang pucang tapi ka ora ana ana , nyong wes bingung  banget.ora let sue ana mikro ya wes ra papa lah  Akhire nyong milu mikro tekan optik.pas wes tekan optik Nang kono ana cah wadon loro lagi ngenteni mikro juga, nyong takon “ beline ngendi ya mbak” mbak mbake njawab “ pejawaran,laa ko ngendi” nyong njawab “karangkobar mbak” bar kue nyong tenang banget rasane ,ana batir seng meng duwur. Pas wes sue ngenteni bis meng karangkobar ka ora ana ana, kanti tekan jam setengah 6,wes pas wektu kui udan. Ahire nyong ngajak mbak mbak mau ngadang meng gayam nyong mlaku kang optik tekan gayam ,udan udanan. Pas wes tekan ngarep rumah sakit nyong takon jenenge mbak mbak loro kue,seng siji jenenge lili terus sijine jenenge leli,bocah loro kue sekolah nang MAN 2 Banjarnegara ,terus nyong takon ngapa ka beli kanti sore banget “beli kanti sore anu tes les” jawab salah siji bocah sekang cah loro kue.. lagi asik asik kenalan pas nang tikungan ngarep rumah sakit nyong karo lili trus leli weruh ana bis liwat,langsung cah 3 pada mlayu ngudek bis kue, pas tekan gayam untung bae bise lagi ngetem disit,nyong lili terus leli langsung pada mlebu meng bis ,nang jero bis kue ana bocah 5 karo nyong ,seng loro seng bocah MAN seng lorone maneng bocah SMK 2 BAWANG ,pas lagi njegong lili karo leli menyat, lili ngomong “ de ,nyong tak tuku jajan set ya” , “iya” jawabe nyong. Pas wes mbalik meng bis maning lili nawani nyong jajane mau, tapi nyong ngomong nek nyong lagi puasa..bar kue mara mara supir bise ngorong ngorong ngomong “ mbak bis iki ora pan munggah, bise pan beli “ “ lha  beline ngendi” jawabe lili,” beline ya kene mbak” . bar kue atine nyong dedi ora genah genah, wes dalam keadaan udan,wes maghrib,lagi puasa ,orong buka maning. Nang atine nyong “ya alloh paringana sabar “ J , bar kue nyong karo kabeh penumpang bis pada mudun, nyong di takoni meng leli karo lili, “ la ko pan primen “ nyong njawab “ mbuh we, bingung” ,akhire nyong leli karo lili langsung meng masjid cepak tempat seng nggo ngadang bis,seng cah SMK  2 Bawang juga melu meng masjid, yakue masjid at-taqwa, nang kana nyong njagong nang emperan mesjid, lha lili karo leli egen ngadek nang ngarep mesjid. Ujuk ujuk leli karo lili nyepaki nyong  “ko mbokan lg puasa de,buka deset mayo tak batiri “ takone lili,karo ngguyu lugu nyong njawab “iya mb,yawes mayo nek pan mbatiri” akhire nyong lili terus leli meng warung cepak mesjid, nyong tuku aqua sebotol , “ko ora tuku maem apa” takone lili ,”ora lah mbak,aqua bae” jawabe nyong. Bar kue nyong buka mimi aqua sebotol, rasane lega banget. Tapi gara gara bingug beline primen kanti ora pengen ma.em,pas nyong lagi njegong ujuk ujuk seng cah smk 2 bawang nyepaki nyong, “mbak nyong njilih hp.ne oleh ora,anu nyong pan sms bapak kon maringi malah hpne nyong mati” “oh iya iya ,oleh “ jawabe nyong. bar kue nyong karo leli sholat maghrib, lili ngenteni nang nglatar asale lagi halangan, bar sholat rampung,leli karo lili pan mbalik nang kosan, lha dong kue nyong bingung mbanget pan primen. “de nyong balik disit ya,lha ko primen” takone lili, akhire nyong njawab bae lah “pan di petok kakange” ,”owh ya wes ati ati de”, jawab lili maneng, “iya mbak, turnuwun ya, mbak juga ati ati” jawab nyong. Bar kue nyong njaluk di petok kakange ,  seng cah SMK 2 bawang seng cah siji seng njemput wes teka, lha seng sijine urung, nang masjid gari nyong karo seng cah SMK 2 cah siji tok. Seuwise ngenteni kakange nyong teka madan sue,akhire kakange nyong teka juga, tapi bapake seng cah SMK2 orong teka, akhire kakange nyong ngomong nek di enteni deset dela,melas nek cah SMK 2 kue ngenteni dewekan, pas kue wes waktu isya , kakange nyong sholat isya deset, pas kakange nyong lagi sholat,bapake seng cah SMK 2 teka, akhire kue bocah mangkat bali “ nyong ndisitan ya” omonge seng cah SMK 2 kue “iya iya ati ati ya” jawabe nyong, bar kue pas kakange nyong rampung sholat nyong langsung beli meng karangkobar,wes peteng banget,anyes ,urung ma.em maning. Tapi ora papa lah, sekang kedadeyan mau nyong bisa nambah kanca. Lan sinau bab kesabaran. Nyong sekang mbnjar jam 7, tekan ngumah sekitar setengah 9, pas wes tekan ngumah nyong papung, sholat isya terus ma.em,nyong langsung cerita kedadeyan mau meng mae lan bapake nyong. Nyong langsung diomongi meng ma.e lan bpake , “ nek wes sore mending aja bli, aja maning maning ya kang kana jam 5” “iya pak,mak” jwabe nyong, pengalaman iki dadi pelajaran nggo nyong ben lewih sabar ngadepi kabeh masalah. Bar kue nyong langsung mapan bobo,sangkin sazahe.

Semene cerita kang nyong, ngapura mbokan ana kata kata seng ora sopan apa kata kata seng nggawe ra kepenak.

Wasalamu’alaikum wr.wb

Thanks for reading & sharing Berbagi Ilmu Pengetahuan, Teknologi dan Hiburan