Bingung Gawe
Cerkak
Sawijining esuk dina, pas
dina senen nang sekolah SMKN 1 BAWANG tepate nang kelas X TKJ 2 pelajaran
pertama kuwe Bahasa Jawa. Pelajaran dina senen kuwe agi nyinauni bab pawarta.
Dina kuwe nyong karo kancane nyong diparingi tugas saking Bu Guru yakuwe kon
praktek maca pawarta kaya penyiar pawarta sing biasa nang TV. Asmane Bu Guru
niku Bu Kinanthi, Bu Kinanthi maringi tugas kon praktek maca pawarta kuwe nggo
nglatih mental muride nek ngomong nang ngarepe wong akeh. Nyong karo kancane
nyong maca pawartane kelompokan, sekelompok wong loro. Nyong karo kanca
sekelase nyong ora mukur praktek maca pawarta,
nek wis rampung maca pawarta nyong karo kancane nyong kudu ngisi table
penilean nggo nilai kelompok sing liyane. Jenis penilaiane kuwe ana ekspresi,
lafal, lan intonasi. Sebab kuwe kelompoke nyong kudu bener-bener bisa niru
penyiar pawarta sing kaya nang TV supaya nilaine apik.
Pas
gilirane kelompoke nyong maju, nyong lan kanca sekelompoke nyong yakuwe
Pryagung, siap-siap ngatur kordinasi pas mengko maju. Pas maju rasane nyong
gerogi, sebabe nyong ditonton nang bocah sekelas ditambah Ibu Guru. Aku
alhamdulilah bisa lancar, senajan nyong isih maca text pawartane, tapi alhamdulilah bisa. Pas
giliran pawarta keloro sing diwacakna maring Pryagung, bocah sekelas pada guyu
sebabe pryagung ora ngerti bahasa jawane “2018” lan Pryagung kuwe ilate mandan
kaya wong Inggris yakuwe ora cetha maca huruf “r”. Ditambah maning Pryagung
kuwe terkenal bocah sing tingkae lucu lan konyol, dadine bocah sekelas pada
nguyu cekakakan. Akhire Pryagung kepaksa takon kaleh Bu Kinanthi, terus Bu Kinanthi nuduhi bahasa jawane
“2018”. Sewise maca maca pawarta nyong rasane wis lega, sebabe wis maju ming
ngarep. Tapi pas lanjut materi ming bab “Cerkak”, Bu Kinanthi maringi tugas
maning. Tugase kuwe kon gawe cerkak sing temane bebas nganggo basane
dewek-dewek. Pas kuwe nyong bingung, sebabe nyong kawet biyen SD urung tau di
kon gawe cerkak, nek biyen nyong pol-pole kon maca cerkak nek kon gawe ya
gawene paling pengalaman pribadi. Nah iki kuwe pertama kaline nyong diwei tugas
kon ngarang utawa gawe cerkak dewek. Sebab nyong bingung nyong takon ming Bu
Kinanthi nek cerkak kuwe bisa nyritakna pengalaman pribadi apa ora, terus
dawuhe Bu Kinanthi kuwe bisa.
Sewise pelajaran Bahasa Jawa
rampung, nyong kepikiran bae karo tugase Bu Kinanthi, nyong bingung arep gawe
cerkak sing temane apa, judule apa, ceritane kuwe arep kepriwe karo tokohe kuwe
sapa bae. Ngasi telung dina nyong urung ngerti arep gawe cerkak sing temane
kaya apa lan critane kuwe kepriwe. Padahal pas dina senen Bu Kinanthi dawuh nek
gawe cerkak kuwe ora bisa sedina dadi, kudune kuwe gawene mipil. Sebab nyong
bingung, akhire nyong ngguyak contoh cerkak nang internet. Nang internet
nyong nemu cerkak ana telu utawa papat, tapi cerkake kuwe temane lucu kabeh.
Terus nyong kepikiran nek arep gawe cerkak sing temane lucu utawa aneh lan
konyol.
Dina jum’at karo dina sebtune
nyong mulai gawe intine crita, ngrangke
alure crita karo nentukna sapa bae sing dadi tokoh nang cerkak gaweane
nyong. Nyong niate arep nulis cerkake sebtu sore, tapi pas sore bukane nulis
cerkak nyong malah asik dolanan laptop. Barang wis rampung dolanan laptop,
nyong malah turu amarga wis ngantuk. Nyong niate arep nggarap tugase nang umahe
kancane ngesuk pas dina minggu. Esuke nyong mangkat maring nggon kancane arep
garap tugas. Tapi mbarang maring nggone kancane, nyong malah nge game balapan
mobil karo kancane. Akhire ngasi luhur nyg urung nulis cerkak sing critane wis
tek rangke. Bar luhur nyong bali maring umah, nang umah akhire nyong
bener-bener niat nulis cerkak sing critane wis tek rangke. Terus cerkake kuwe
tek wei judul “Bingung Gawe Cerkak”.
Thanks for reading & sharing Berbagi Ilmu Pengetahuan, Teknologi dan Hiburan
0 comments:
Post a Comment