Perjuangan
Dena, jeneng salah siji bocah sing
sekolah nang SMK negeri sing ana nang Banjarnegara, saiki Dena lagi nang kelas
X TKJ, Dena melbu SMK kuwe lewat jalur prestasi, deweke pinter olahraga basket
kawit SMP. Dena seneng melu basket mergane nek lagi basket Dena bisa kelalen
karo kabeh masalahe, tapi siji sing ora bisa diadepi nang Dena. Dena jane ora
oleh melu basket nang wong tuane mergane Dena wis tau cidera lan basket wis
nggawe nilaine Dena dadi mudun.
Tapi Dena tetep ora bisa lepas
sekang basket, mergane sekang basket Dena wis oleh akeh pengalaman. Mulai
sekang lomba tingkat daerah nganti tingkat nasional, jane Dena ora pengen
nglanggar perintah wong tuane, tapi Dena pengen mbuktikna meng kabeh wong,
ngger Dena bisa oleh nilai apik lan aktif juga nang bidang non akademik.
Mulai semester 2 Dena mulai berubah,
wis ora tau nunda nunda sinau lan nggarap tugas, tapi juga isih aktif nang
basket, Dena usaha lan terus usaha ben nggapai apa sing dipengini. Sekitar 2
bulan maning Dena arep dimelukna nang event basket tingkat nasional. Tapi
wong tuane ora ngolihna, Dena terus mbujuk wong tuane ben ngolihna deweke nggo
melu event
kue dengan jaminan nilaine Dena kudu apik. Nek bar event kue nilaine Dena
isih mudun, Dena wis ora bakal oleh melu basket maning, tapi dena ora ana
mundure, Dena tetep usaha sinau sesibuk apapun.
Waktu nggo event teka, Dena wis siap
kabehane, Dena main apik lan konsisten dadi bias nggawa tim daerahe dadi juara
2 tingkat nasional kue. Saiki tanggung jawabe Dena berkurang siji, gari janjine
meng wong tuane arep ngolehna nilai apik nang semester iki, dina – dinane Dena
akhir akhir iki gur diisi sinau lan les ben bisa mbuktikna meng wong tuane nek
jane Dena kue bisa. Waktu test 2 minggu maning, Dena isih ora yakin bisa
ngolehna nilai apik, tapi Dena optimis lan usaha terus terusan.
Waktune test dina iki, Dena percaya
bisa nggarap dengan lancar, 8 dina kelewat, test wis rampung saiki Dena gur
bisa ndonga lan ndonga ben nilaine bisa munggah, pas pembagian rapot, kayangapa
senenge, Dena melbu 10 besar nang kelas. Akhire wong tuane Dena percaya ngger
basket kue ora nganggu pelajaran, tapi bocahe bae sing kepriwe menyikapine karo
kegiatane sing padat.
Saiki Dena wis lega, Dena wis bisa
nggawa nama baik sekolahe lan mbahagiakna wong tuane, saiki wis ora ana
hambatan nggo Dena nggo nglanjutna mimpine. Wong tuane juga saiki ndukung nek
Dena ndue prestasi nang bidang non akademik, akhire perjuangane Dena ora sia –
sia.
Makna
: kabeh perjuangan sing dilakokna, ngger disertai karo usaha lan doa pasti
bakal ngasilna sesuatu sing ora sia sia, kaya nang cerita kie. Tamat
Thanks for reading & sharing Berbagi Ilmu Pengetahuan, Teknologi dan Hiburan
0 comments:
Post a Comment