WAFFLE
Ana umah sing nang jerone ditunggoni
anak lan biyunge. Bocah kuwi asmane Ana. Wong tuane uwis pegatan pas Ana umure
10 taun. Saiki Ana sekolah nang SMK N 1 Bawang kelas X. Pas keluargane eseh wutuh
Ana banget bungahe, tapi saiki kaya kelangan separuh atine. Panguripan keluarga
kiye sederhana banget, biyunge mung kerja dadi buruh ngumbahi sing pendapatane
ora pira-pira. Senajan keadaan ekonomine kurang, biyunge ora setuju nek Ana
dadi wirausaha. Nang jero atine sing paling njero, Ana sedih banget mergane
bingung saiki kudu ngapa.
Eseh esuk
Ana uwis nglamun nang kelas. Mikirna masa depane sing ora nggenah arahe.
“An, esuk-esuk ka wes
nglamun sih? Agi ana masalah pa???”, Sofi takon.
“Ora ana Sof. Inyong mung
bingung karo masa depane inyong sing ora due arah babar blas”.
“Oh kaya kuwi masalahe,
kepriwe nek ko melu ekstra KWU bae. Ekstra kuwi mbokan maen nggo ngembangna
kemandirian, Sofi aweh saran maring Ana”.
“Tapi biyunge inyong ora
setuju nek inyong melu ekstra KWU kuwi, merga jerene wirausaha kuwi butuh
modal, sebab keturunan lan sebab begja, Ana njelasna ”.
“Ko pengin dadi wirausaha
sukses mbokan?”
“Iya lah Sof”.
“Na mulane kuwi, semangat
bae terus tunjukna maring biyunge ko nek anggepane kue salah tentang wirausaha.
Ko aweh ngerti meng biyunge ko nek ko uwis sukses”.
“Apa kue cara seng ampuh
Sof?”
“Insyaallah…apa bae seng
diniati apik mesti bakalan ngehasilna seng apik juga”.
“Oke…inyong gelem Sof”.
“Nah kaya kuwi
An….semangat ya”.
Esuk-esuk manuk pada ngemprit, kaya
Ana sing esuk kuwi bergairah lan semangat banget mangkat sekolah. Biyunge wes
nyiapaken siripan nggo Ana . Ana nuju meng ruang maem karo nyanyi-nyanyi. Merga
wes awan, Ana tes maem njur mangkat
sekolah. Sekolahe kuwi cepak banget karo umahe, dadine Ana kari mlaku
tok. Pas wes geduk sekolahan Ana langsung nyeluk kanca-kancane.
“Hei,….”.
“Hei…An”.
“Bungah temen An, kaya tes
oleh hadiah bae semangat banget loh, Yanto gumun”.
“Hahaha…ora ka Nto”.
“Kepriwe An,…siap?”
“Siap ngapa kue,????
Rakhiv takon”.
“Ana kuwi pengin banget
dadi wirausaha sing sukses, tapi sayange meng biyunge ora diolihna. Merga
jerene biyunge dadi wirausaha kuwi butuh modal. Tapi tak saranaken Ana kudu
semangat bae, tunjukna bae nek Ana bener-bener pengin dadi wirausaha sukses,
Sofi njelasna meng Rakhiv”.
“Oh kaya kuwi, tapi inyong
setuju banget karo sarane Sofi An, sesuatu sing pengin diharapna li insyaallah
ana jalan”.
“Oke lah kalo begitu, Ana
jawab semangat banget”.
Pas pelajaran terakhir rampung, 5
sahabat kiye langsung nuju meng basecam KWU. Awale Ana ora percaya diri sebabe
tembe pertama melo gabung karo bocah-bocah KWU. Tapi kanca-kancane aweh
semangat terus maring Ana. Nggo latihan, Ana langsung dikon ngedol roti sing
diproduksi bocah-bocah KWU. Kuwi nggo nglatih mentale dewek wani apa orane
ngedol sesuatu meng wong liya. Karo semangat seng membara, Ana mulai njajakna
dodolan rotine nang lingkungan sekolahane.
“Roti..roti..bu, mbakyu, kangmas
rotine enak loh. Halal maning”.
Pan tumbas rotine mbakyu,
murah mung sewu”.
“Panganan apa kuwi???”
(cah SMA 1 Banjara jenenge Dika sing angkuh takon)
“Kiye roti mbakyu. Enak si
murah maning, mbake mesti ketagihan”.
“Mayo Dik lunga bae, nggo
ngapa sih nglayani bocah kere kaya kuwi”.(kancane Dika yakuwe Adi)
“Sabar si ngapa Di, inyong
pan aweh pelajaran maring kue bocah kere”.
“Eh, nek pan slamet
mending ko lunga bae saiki”.
“Inyong mung pan dodol
roti kang, masa dodol nang kene ora olih si”. (Ana membela diri)
“Kang… Kang … Kang. Emange
inyong kakange ko pa??? Sembarangan banget gale undang wong”.
“Astaghfirullohalazim…Mbak,
inyong ngerti nek mbake kuwi wong sugih. Tapi hargai setitik si ngapa panganan
kie. Nek ora pan tumbas be ora papa inyong bakal lunga. Deleng kae mbak, akeh
bocah-bocah sing pengin maem tapi ora due duit nggo maem. Tapi kae bocah-bocah
tetep gelem ngehargai panganan, apamaning ngehargai wong liya”.
“Halah…dasar bocah kere,
akeh omong ko”.
(Akhire Ana lunga
ninggalna bocah-bocah sugih kae)
Ana bali meng basecam karo masang rai
seng murung.
“Ko kenangapa An?? , Sofi
takon”
“(nyodorna roti seng wes
dipidek maring Dika)”
“Masyaallah…sapa seng
nglakukna kuwi An??? , Yanto takon”.
“Bocah-bocah SMA Nto”.
“Kebangeten temen bocah
SMA kae, dene ngehargai wong ka ora bisa”.
(Yanto gela)
“Uwis lah Nto, nek dewek
siki gela lan terpengaruh karo caciane kae bocah dewek bakal terpuruk terus.
Dadi wirausaha kuwi kudu tetep semangat lan aja putus asa”. (Rakhiv nenangna
Yanto)
(Akhire dodolan dina iki dirampungna banjur pan diterusna
dina sesuk)
Pas Ana geduk umah, Ana wes di adang
meng biyunge. Jubule Dika ngaweh ngerti meng biyunge Ana yen Ana melu ekstra
KWU.
“Njegong!!!!!!!!!!!”
“Iya bu”.
“Wani-wanine ko ngelanggar
perintahe biyunge ko dewek”.
“Ngelanggar apa bu?????”
“Esih wani takon apa
salahe ko. Inyong kan wes ngomong aja dadi wirausaha. Dadi wong kuwi sing
pinter lan nduweni ilmu sing dhuwur. Dadi wirausaha kue butuh modal
ngerti!!!!!!!!!!”
“Jere sapa bu, dadi
wirausaha kuwi butuh modal lan merga keturunan. Kabeh sing diniati apik mesti
apik juga bu”.
“Saiki uwis wani ya
bentak-bentak biyungmu dewek. Simbahmu dadi bangkrut gara-gara wirausaha An.
Jal bae nek simbahmu dadi pengusaha mesti dewek ora bakal kere kaya kiye,
dihina terus maring wong liya”.
“Sekarep ibu lah, Ana pan
turu sayah”.
(Ana terus wudhu lan
shalat)
Esuke Ana mangkat sekolah gasik
banget. Kanti biyunge ora ngerteni. Ana mung gawe surat nggo biyunge “Bu, Ana
jaluk ngapura banget. Ana ora pengin dadi bocah durhaka, tapi Ana yakin nek iki
jalan sing Allah tunjukna meng Ana bu. Salam cinta kangge Ibu”.
“Hei….An, Semangat kan
dina kiye???” (Rakhiv nyapa Ana)
“Iya dong”.
“Sip, yuk lanjutna
dodole”.
“Ayo”.
Pas nang perjalanan, Ana ketemu
maning karo segerombolan bocah-bocah SMA kuwi.
“Eh, bocah kere. Pan ngapa ko mrene-mrene maning, nggo ngapa
ko dodolan kaya kuwinan. Apa ko bakal sukses dodolan kaya kuwi”.
“Insyaallah mbak, dengan
anane niat sing dibarengi karo usaha, mesti menjadikan seseorang kuwi sukses”.
“Ngarang temen kuwi,
Bapake inyong dadi sukses ora gara-gara dodolan kaya kuwinan ngerti, inyong
bakal dadi karyawane ko nek omongane ko temenan”.
(Bocah-bocah SMA njur
lunga)
Wis pirang wulan Ana ora tau ketemu
karo bocah-bocah sing nggaya kae. Nalika semana, Ana weruh nang acara televise
nek ana pengusaha sing bangkrut gara-gara digoroi meng pengusaha liya. Eh
jubulane pengusaha kue Bapake Dika. Saiki Dika dadi diadohi meng kanca-kancane.
Saiki Dika sadar nek omongan kue
adalah doa. Lan Ana saiki terus semangat nggo nyiptaaken produk sing sehat,
bergizi, lan halal mestine. Ana munculna ide nggo gawe roti Waffle jenenge.
Bentuke seng hati, rasane lan mambune mandan kaya tape tapi pas di maem rasane
legi . Ya kaya penguripane Ana lah, awale kaya ora pan enak, jubulane berkat
ketekunan lah semangat saiki Ana dadi sukses. Lan biyunge ugi sadar nek
pandangan tentang wirausaha kuwi salah. Saat kuwi Dika jaluk ngapura maring Ana
lan Ana ngapurani Dika.
3 tahun sekolah nang SMK, Ana lan
kanca-kancane lulus karo nilai seng memuaskan. Rencana selanjute Ana karep
bangun restoran cilik-cilikan disit sing di weini jeneng “Resto Waffle”. Akhire
5 bersahabat iki urip bahagia.
Pesen :
“Dadilah pribadi ingkang
dewasa, dadilah pribadi ingkang tangguh. Karena kuwi bakal nganterna dewek meng gerbang
kesuksesan”
Thanks for reading & sharing Berbagi Ilmu Pengetahuan, Teknologi dan Hiburan
0 comments:
Post a Comment